අමාත්‍ය රිෂාඩ් බදුර්දීන් මහතාගේ සහෝදරයාගෙන් මන්නාරම පොලීසිය ප්‍රකාශ සටහන් කරගෙන මුදාහැර ඇති බව පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර  පවසයි.

මන්නාරම ප්‍රදේශයේ යුධ හමුදා මාර්ග බාධකයකදී ඔහුව සහ ඔහු ගමන් ගත්  වාහනය යුධ හමුදා භාරයට ගෙන පසුව මන්නාරම පොලීසිය වෙත භාරදී ඇති  බවද මාධ්‍ය ප්‍රකාශකවරයා සඳහන් කරයි. අනතුරුව ඔහුගේ වාහනයද පොලීසිය විසින් දැඩි පරීක්ෂාවට ලක්කර ඇත. ඉකුත් 25 වැනි දින මෙම සිද්ධිය සිදුව තිබේ. පාස්කු ඉරිදා සිදු වූ ප්‍රහාරය සම්බන්ධයෙන් ඔහුගෙන් මෙම ප්‍රශ්න කිරීම සිදු කර ඇතැයි වාර්තා වේ.